Zabalik dago Eskola Arteko Gabonetako XLI. Txapelketan izena emateko epea

Ikastetxeek urriaren 3tik 31ra eman ahal izango dute izena, biak barne

Osasunak Eskola Arteko Gabonetako XLI Txapeletarako izena emateko epea ireki du Nafarroako ikastetxeetara bidalitako komunikazio baten bidez. Izena emateko epea urriaren 31ra arte egongo da zabalik. Izen-emateak Osasuna Fundazioaren webgunetik baino ez dira izapidetuko.

2023ko abenduaren 23tik 2024ko urtarrilaren 6ra bitartean jokatuko den edizio berrian, modalitate mistoak eta emakumezkoenak mantenduko dira, biak futbol 8 formatuan. Modalitate mistoan 2012. eta 2013. urteetan jaiotako ikasleek parte hartu ahal izango dute; emakumezkoen modalitatean, berriz, 2012an, 2013an eta 2014an jaiotako ikasleek. Ezinbestekoa izango da Eskola Arteko Txapelketan parte hartzen duten guztiak 2023/24 ikasturtean ordezkatzen duten ikastetxean matrikulatuta egotea.

Modalitate mistoan, emakumezkoetan bezala, XLI Eskola Arteko Txapelketak 64 talde hartuko ditu gehienez. Izena emandako taldeen kopuruak kopuru hori gainditzen badu, aldez aurretik sailkatze fase bat egin beharko da. Sailkatze aurreko fasean parte hartu beharko duten taldeak izena ematen azkenak izango dira.

Edozein kontsulta egiteko, interesatuek Osasuna Fundazioarekin harremanetan jarri ahal izango dute 948 29 30 40 telefonoan (astelehenetik ostiralera, ez jaiegunetan, 9: 30etatik 13: 30etara) edo interescolar@fundacionosasuna.com helbidearen bidez.

Izen emateak:

https://www.fundacionosasuna.com/actividades_soap/interescolar/9-torneo-interescolar-de-ftbol---fundacin-osasuna