OSASUNA FUNDAZIOAREN JARDUERAK

Ikasgela gorritxoa

Ikasgela Gorritxoa Osasuna Fundazioaren hezkuntza-proiektua da, helburu nagusia Osasuna futbol-taldearen eskutik kirolaren balio positiboak txertatzea, horien gainean hausnartzea eta guztiak balioestea duena.

Horretarako, erakunde gorritxoak eskola-materiala banatzen die, dohainik, proiektuan parte hartu nahi duten ikastetxeei, eta haiek, gorputz-heziketa eta plastika irakasgaietan, aipatu helburua betetzera bideraturiko hainbat jarduera gara ditzakete.

Ikastetxeetan aurreikusitako jarduerak amaitutakoan, SADARREN festa bat egiten da, lehen taldeko jokalariak ere bertan direlarik.

Gela Gorritxoa

PROIEKTUAREN XEHETASUNAK

Iraupena: hilabete.
Parte-hartzaileak: Lehen Hezkuntzako ikastetxeak, 3. mailatik 6. mailara bitarteko ikasleak, eta Hezkuntza Bereziko Ikastetxeak.
Hizkuntzak: gaztelania eta euskara.
Helburua: kirolaren balio positiboak sustatzea, hala nola errespetua, kiroltasuna eta joko garbia, Nafarroako ikastetxeetan, C. A. Osasunaren eskutik.

JARDUERAK

Hilabetez, ikastetxe bakoitzak kirolaren balioak jorratzen ditu plastika eta gorputz-heziketa irakasgaietan, ardatza Osasuna futbol-taldea izanik.

Amaitu ondoren, maiatzean, ikastetxeak Sadarrera gonbidatzen dira lehen taldearen entrenamendu bat ikusteko. Ekitaldi zirraragarri horretan, sorpresaren bat ere espero daiteke.