Osasunak Lodosa, Allo, Sartaguda eta Los Arcoseko futbol eskolak bisitatu ditu

Celia Ochoa, Aitor Fernández, Ainhoa Guallar eta Jon Moncayola Lodosara joan ziren egoitza horietako ikasleekin jardunaldi dibertigarri bat egiteko

Joan den asteartean, otsailaren 18an, Lodosan, Osasuna Fundazioak antolatzen duen proiektuaren baitan dauden futbol eskoletarako jokalarien bisita egin zen.

Celia Ochoa, Aitor Fernandez, Ainhoa Guallar eta Jon Moncayola izan ziren gorritxoen espedizioko protagonistak, eta solasaldi dibertigarri batean parte hartu zuten bertaratutako ikasleekin. Gainera, jokalariekin argazkiak atera ahal izan zituzten. Jokalariekin batera, Angel Alcalde Osasunako harrobiko zuzendaria joan zen Lodosara.

Ekitaldian herriko alkate Laura Remirez, CD Lodosako zuzendari María Jesús Roldán eta proiektu honen babesle Carlos Ochoa (Lacturale) eta SRT Automotiveko Silvia Salinas ere izan ziren.

Ekitaldi honekin hasten da Osasuna Fundazioak futbol eskolako egoitza guztietara jokalariak bisitatzeko duen ohiko programa, Nafarroako geografiako eta inguruetako ehunka haurrek osatzen duten proiektu garrantzitsuenetako bat.